شعر

الشاعر: محمد الدواي الدهمشي

مثل المطر طهر القلوب و صفاها
يقطف بها من دانيات العناقيد
وجيهنا بالحب يسفر ضياها
ما بينت رغم الهموم التجاعيد
رغم الجروح الي ضلوعي حماها
من لهفتي حطيت في ساقها قيد
فيها اعذب أيام السنين وصباها
في نزفها ذكر الليال السراميد
راحت سوالف ذكرة ن وش وراها
غير الشجن و امال تحتاج تضميد
و لو تنبت بقفر الاماني رجاها
فرحت واسمع للمشاعر تناهيد
تدري الليالي زايفه في عطاها
تفرحك يوم و ٦ لـ الضيق تسديد
يا نجمة ن حدب المحاني سماها
غبتي وغيهب خافق بجرهد البيد
ترجاك قطعان الحشا مع رعاها
جاها المحل يومك خلفت المواعيد
شوفك مراديف السحاب ونقاها
جادت على صدر الهوا بالمواريد
يا ساقي اغصان الاماني ..ضماها
افنى بساتين الفرح والاناشيد
ولامست كف الحزن في منتهاها
ومشاعري تقل انفستها البواريد
واصبحت مثل الي جنانه نعاها
يتيم بالدنيا ..زرا قاصر الايد
يبكي على امه يوم ضمت ثراها
صله عليها بعد تكبيرة العيد

لو ما بقــى.. قصيدة للأمير خالد الفيصل في ذكرى اليوم الوطني

لو ما بقى ” عنوان قصيدة نظمها صاحب السمو الملكي الأمير خالد الفيصل بن عبدالعزيز مستشار خادم الحرمين الشريفين أمير منطقة مكة المكرمة بمناسبة ذكرى اليوم الوطني السابع والثمانين للمملكة :
” لو ما بقى ”
لو مـــــــا بقــــــــى بالعمـــــر إلاّ ضحى شَمـسْ
فديـــت بـــه ديــــــــــني وداري واهَلْــــــــــــها
ما قــــــد ذَخَـــــــــــــــرت اليوم عنها ولا أَمــسْ
هي عشـقـــة افكــــاري وغايـــــــــــة أمـَلــــــها
أَجْهَرْ بهــــــــــــــا مانيــــــــــــبْ انا اقولها هَمسْ
عـــــــــــادات أبوي وجـــــــــــــدّي اللي صقَلْـهــا
حنّــــــــــا هَــــــــــلَ التوحيـــد اذا غيرنـا هَــــــسْ
وحنـــــــا هَلَ التطـــــــــــوير صَقْــــــــــر وجمَلْها
نــبني عــلى مبـــنى السّلَــف عـــــــزّة الــنّفْس
ونفاخر الــعــالـم بنـــــــــادر مثَلْــــــــــــــــــــها
ونسابـــــق الأيـــــــــــــام ونوَرّد الخَمـــــــــــــس
ونكســـــــــــر مخالــــــــــــــــب من يدوّر شكَلـْها
ومن لامسَــــــــتْ اصابعـــــــــه حـدّنـا لَـــمْس
نقطــــــع يدينـــــــــــــــه مــادرى وش فصَلْــها
ومــا دام سلمان الحــزم لقّن الـــــــــــــدّرْس
ما همّنـــــــا غــــادي الحيـــــــاة وهَمَلْـــــــها

 

الشاعر: محمد الدواي

‏من الوله و الشوق ودي حاجتين
‏احضنك و انسى الاوله والتاليا

‏لا لا يهمك … وش كلام العاذلين
‏دام الضلوع العوج لك و مواليا

مركاك قلب وشبتك في وسط عين
و مشاعري تلقى معك مدهاليا

يلي على غيم الترف تتبخترين
وديمك من اغصان الكرز متحاليا

يا اطهر حروفً في سطور العاشقين
و اشدى من اسراب الطيور الجاليه

يا كعبة ن جتك المعاني طايفين
تاتي جزيله و المثايل عاليه

يا جيت كم عرق ن شلع لك من حنين
يشدى مهارً … لا لمسها جفاليا

واجيك حامل خافقي وسط اليدين
و اليا قفيت اقفي يديني خاليا

حتى المشاعر في ربيبك ممنين
ما عدت كود بغترتي وعقاليا

‏كاس .. وقصيدة


‏كنت مع ضيقة خواطرهم وحيده!
‏مامعي الا طيب من غالي ورثته

‏والوجيه الي تباهي في رصيده..
‏كل وجه حزة الضيقة..غمرته

‏اطلبك ياسيد جروحي الفريده؟!!
‏وانت ماتفرق عن اتعس ما ذكرته

‏لو شراك الحب واحد من عبيده؟!!
‏وانت في صدرك حصان ماعسفته!

‏حط نفسك بالتفاصيل البعيده
‏في مكاني .. فالمكان الي كرهته!

‏ذي تفاصيلي وذا عقدي.. وجيده
‏هذا وجهي .. ماتشك انك عرفته؟؟!!

‏رح هناك .. اترك كفوفي مستقيده
‏مايناديك الدفا الي .. مافهمته

‏من مسافات الضمى انفاسي بليده
‏من نهرت شفاي.. زميته ونهرته..

‏كنا نحلم.. نخبنا كاس و قصيدة..
‏اشربك للطيش..لابيات شربته

‏كل بيت جاك مني .. مااريده
‏لكن ذنوب الخمور الـ ما سكرته؟!

‏كيف اكفرها ..وانا اعرفني فقيده؟؟
‏إنجرح.. ..مثل الجروح الي انجرحته

‏كنت مثلك اجمع آمالي العتيده
‏وسط صندوق الهدايا الي .. كسرته

‏مثل فزاعة حزن مشدود قيده!
‏وسط بور احساسكم عمري فقدته..

الشاعرة: ‏تهاني التميمي ( الاسمى )

 

 

حزم البطولات والعهد المجيد.. قصيدة للشاعرة صالحة عمير الغامدي

هم أبناء وبنات الوطن تجدهم في كل مكان يخدمون هذا الوطن الغالي في أي مجال من المجالات ويقدمون أرواحهم فداء للدين والوطن.

ومن هؤلاء من نذرت احاسيسها شعرا ونثرا لتتغنى بانتصارات الوطن وعهد سلمان الحزم والعزم.. إنها الشاعرة صالحة عمير الغامدي، حيث جسدت قصيدة تعبر فيها عن حبها لهذا الوطن مبينة أن  السعودية بلد العز والمجد وإن جيشها لا يهاب الأعداء، وأن الشعب يزخر بحب القيادة له وأن الشعب فداء للدين والوطن.

وفيما يلي الأبيات:
يامساء حزم البطولات والعزم المجيد
ياصباح النصر واحلى الفرايد والدرر
من بلاد النور والمجد والعز التليد
لانتخى سلمان شعبه يلبي له دهر
اقلعت مثل الصقور وهدفها ماتريد
غير نصر والمعادي صويب ويحتظر
طايرات لارعدت باسها بأس ن شديد
دكت حصون المعادين ماتخشى الخطر
من صواعقها يلا جت تصوب بالوريد
جيش سلمان البطل والابي والمعتبر
بلغ الحوثي وقله بظلمك لاتكيد
من صمايلنا عزومك تذل وتنحصر

ايه تامر ياملكنا وكلن لك عظيد
ننصر اللي دمع عينه على خده نثر
لجل هامة موطني باتغنى بالنشيد
ولجل هامة موطني بانظم جزال العبر
ولانخيت الشعر قال ابشري باللي يفيد

لو نظمنا الشعر يعجز يقول المختصر

افتخر في نظم الابيات وابداع القصيد
وافتخر ياموطن لك بروحي مستقر
ياوطن بنعاهدك عن حدودك مانحيد
لان لك في وسط الاعماق والخاطر مقر

الشاعر: مشعل ابا قرين

جابتك الايام يـا شخصٍ بدوني يتيـم
و الا الصدف جابتك خلفْ إتجاهاتها

أو حركتك القصايد و إعتنقك النسيم
أو الليـالي عطتك أجمل مٌعاناتها

خذيت قلبي و قلبي صـار كله هشيمْ
ياما مـنعت الزعلْ لاجل إعـتـذاراتـهـا

لا بالله إلا غلطت و كنت جداً كريييييم
و أنت اللئيم الجحود و طعـنـتك هاتها

عطنّي من الخلف لانّي بالملاقى عظيم
و أبـمـنــع الـروح لا مـن زادت آهـاتـها

مـا دام صمتك ملاك و بالمواصل عقيم
لـيه أجبرك و أنـت نفـسكْ يـمْ رغبـاتـها

على وداعـك بكيت و بالـمشاعـر قدييم
و دمـوعـي اللي تطيّـح بـ عزّ حسراتها

مرت مرور الخصيم اليا تجاهل خصيم
تخـاف مـن عِـزتـه و تخـاف مـن ذاتـهـا

الشاعرة: تهاني التميمي ( الاسمى )

‏الهي..ياكثر نولتني اشياء ماتنال..
‏تعب غيري يبيها وانت تكرمني..وتهديني

‏واخجل لا اجي اشكي لك الاهمال والاهوال
‏ويتطاير بحلقي صوت ..للاحلام غنيني

‏اذا هالروح مارفت مثل بهجة لضايق بال
‏احس اذنبت في حق المدى..والضي.. ويديني

‏كمالي! ماهو آلاكمل ..ولاغيري ربيع آمال
‏احس الجنة صِهرت لي.. وصبوها بشراييني!

‏وزفوني بهالة حور.. مايطفيها اي اهمال
‏واتوهج واشوف الشمس ماتقدر تحنيني!

‏اطل..واحلي الدنيا وانا المحتاجه..كيف الحال؟
‏واتبسم.. ورا الارزاق والالاء .. اخبيني!!

‏والآقيني..برقص الورد والاشجار..والاطفال
‏وفي دمعة مسن..واكثر بدمع الفرْح الاقيني

‏وفي صدري كنزت الود..عشان آذوقه رجال
‏يمين الله حبه لي.. عن اي حاجه مكفيني

‏يلاعبني وانا مهرتْه..واتدلى مثل سلسال
‏على صدره.. واشهد انه المحراب لسنيني

‏💕

الشاعر: فالح الربع

في ذّمة الجرح الذي طال اهه
يا فرح ياللي أولك بآخر الآه
كل ما نوى إنه يشد أنتباهه
يشده لاقصى أنتباهه وينساه
اللي قبل يدله اليوم تاهه
ومن تاه فيها من هكالحين يلقاه
صارت حياته مثل درب المتاهه
قدام عينه حاجته ويتعداه
من تــاه جاهه ما يقدّي وجاهه
ومن تيّه مقدّيه مـ أقــداه من تــاه
ومن طاع قلبه ما عرف اتجاهه
ومن طاع عقله عارفٍ درب منجاه
ومن ضاع عمره في أمور التفاهه
مقرود يلحق قرده بكل من جاه
بعض البشر يبقى على أهله عاهه
كل يوم مبلشهم مع الخلق بأخطاه
لاهو مجنّب عن دروب السفاهه
ولا كافيٍ شره ولا طاب طرياه
كل شي يتعدّى حدوده ملاهه
يبسق بعين وينمله بذن طرياه
من ترسله جاهه لك يصير جاهه
عقوبةٍ تبحث بقلبك خفا الاه
من كبر الاسما واهلها واشتباهه
عن حاجةٍ شيمّت نفسك لك الله

الشاعرة: الملتاعة مكة

الشوق نبضه من حنيني مدافيق
ماتستره عوج الضلوع المحاديب

مصبوب عذب الكأس عهد ومواثيق
ل شفاك يامالك فؤادي مشاريب

هزيت لك فكري بحلو الطواريق
يومٍ دعاني الشوق لجلك مطاليب

ياروح من روحه جمعها التوافيق
على نقا حبٍ خلي العذاريب

فجرت في صدري من الود ماطيق
غلا طيوفٍ من وفاها معازيب

حتى قهرت قلوب ناسٍ مطافيق
بالذوق والرقة وحسن التهاذيب

معاك اغيب من الوله دون مافيق
سكرة غرامٍ باردات اللواهيب

الشاعر متعب بن فارس الطواله

حاولـت اسلـي خاطـري مـار مزعـوج
الـيـا بـغـيـت ادلـــه رجـــع زاد هـمــي
همـن علـى همـن غشانـي تقـل مــوجمـوج
المحيـط اللـي الـيـا هــاج دمــي
الـوج لـوج اصغـيـرن لاج مــن حــوج
يـتـيـم وابـكــم مايـسـولـف واصــمــي
قلـبـي غــزاه الـحـزن فــوجٍ ورا فــوج
غصبـن تسـلـل لــه مــع عــروق دمــي
ماسـلـتـن صـــف التعـالـيـل وهــــروج
ولاقـصــة الــــراوي مــديــر الـمـعـمـي
والله يـالــولاســجــة الـــرجــــل وادوج
واشـراف مـرقـابٍ مــن الـطـول زمــي
لانوح نوح اللـي علـى الغصـن بهبـوج
ورقـن تـجـر الـصـوت مــن كــل يـمـي
ولاقنـيـب مـسـلـوعٍ مـــن عـقــب لـــوج
مـاطـاه مــن كـثـر الـهـريـف مـتـدمـي
حـداه عـن جـوا العـرب حـس لجـلـوج
وكـوسـر عــواه بــراس جـــالٍ مـقـمـي
واتــل قلـبـي مــن ورا مـهـدف الـعـوج
تــل السـوانـي مـــن غـزيــر المـجـمـي
او تــل حـمـرن فـوقـه الـــدل وخـــروج
فــي دربـهـن صــم الـحـوافـر تـرمــي
مــن كـثـر مـابـه مـــن مـلـفـات ودروج
هـمـن عـلـى كــل الاحاسـيـس عـمـي
اغضي قهر سطوت دهر رحت مفلوج
طيحـت خــلا مـامـن صـديـقٍ يسـمـي
قبلي شكـوا منـه هـل الخيـل وسـروج
كـــــمٍ عــديـــمٍ ذوقـــــه كـــــل غــمـــي
دنـيــاك لاهـبــة بعاصـيـرهـا الــهــوج
مــالــه ولــــد خــــالٍ ولا ولــــد عــمــي